جديد ليزر الهيلاء يمدح الشيخ ذعار العقيلي

معلومات أضافية · 21 Jan 2009, 07:53 AM

كتب ليزر الهيلاء الشاعر ضاوي بن عايض العصيمي:

هذه القصيده التي اوعد بها الشاعر ضاوي العصيمي المنتدى وعندما سئل عن اسباب القصيده افاد بالاتي
عندما دعيت لحضور حفل الشيخ /فيحان بن فهيد بمدينة حلبان . كان في نيتي ان امر أم سريحه للسلام على الشيخ /ذعار ومواجهة الشيوخ العقايله ولكن في الذهاب لم يسعفني الوقت وفي الرجوع كان الوقت متاخر وخويي اللي معي مستعجل وعندما مررنا بديار اهل لظيا وشاهدت منازلهم اللي عساها عامره وتعدينا احسست بحجم الخطا الذي وقعت به عندما تعديت طوال الايمان ولم اسلم عليهم وعرفت انهم سيعتبون علي وان عذري مهما كان لن يعفيني ابدا ولكن عزاي ان خطاي جاء عند شيوخ من شيمهم وخصالهم الصفح والتجاوز وتفهم الظروف

ومن هذا المنطلق اهدي الشيخ ذعار وكافة الشيوخ العقايله هذه القصيدة ولهم مني اجمل التحايا

بديـت باسمـك يالعزيـز المبـدا
يامطلع باسرار الانفس والاكـوان
وطلبت طلبان الشفـوق المـودا
تحفظ لنا حكامنا درع الاوطـان
وانك تطوّل عمـر ابونـا المفـدا
وتلبس ثياب العافيه جسم سلطان
وترحم زعيـم للشدايـد تصـدا
وانهى التناحر والفتن واصلح االشان
والثانيـه منـي سـلامٍ يــردا
مثل الشهد والريح عنبر وريحـان
على الشيوخ اللي للاضداد ضـدا
حماية الدرمـه بلظيـا وشامـان
اهـل قصـورٍ جعلهـا ماتهـدا
يلقابها الشاكي من الضيم مزبـان
عديتهـا وابطـت عيونـي تلـدا
شفقٍ لهم لكن طرقـي وعجـلان
وماهوب حـق امرهـم واتعـدا
مير الخطا مقرون مع خلق الانسان
واليوم عـذري للنشامـا يـودا
والصفح من شيمة طويلين الايمـان
واخص ابو نايف نحـاز الاشـدا
ذعار كساب المدايـح كحيـلان
شيخٍ على هامات الامجـاد عـدا
قول صحيح وله دلايـل وبرهـان
نفخر بابو نايـف وفيـه نتقـدا
ونلوذ به لامن وجه الزمن شـان
طلق الحجاج اللي ليا قـام سـدا
فى اكبر لزوم وشال هزاع الامتان
لو المـدوح بحلـق غيـره تشـدا
صاحت تبي عوق المفاريد والضان
ولن قيس مع حاتم لـديٍ ونـدا
ويفرق بهدو الفنس وبخير الاديـان
قـد قلتهـا واعيدهـا واتـحـدا
اطلق شنب يقول مخطي وغلطـان
ولاقلتهـا ادور جـزا واتـجـدا
انـا بخيـر ولاتفيـود بالالحـان
لكن أعـد الـدارس المستجـدا
ولاهمني لويزعـل فـلان وفـلان
اما الختول اللي ليا أقفيـت هـدا
جزاه من عندي تجاهل وسفهـان
ومن كل صوب الشك عني معـدا
مير اختلاف الوقت شفته بالاعيان
يابو سعد كـلٍ تهيـض وحـدا
لكن لاتجزع ولد عمـك حصـان
ان شافها جت من بعيـد استعـدا
وان جت من ادنى كن ماكاينٍ كان
تلقالهـا صـدرٍ سعـه مجرهـدا
وشبحٍ بعيد وحكمة تردع السـان
مانـي رديٍ فـى الرفيـق اتـردا
ولااسرج خيولي كل ماثار دخـان
وادرى أن من جاني بالاخبـار ودا
وارخا السموع يشبها بين الاخوان
وماهل وبلٍ جـت مزونـه تهـدا
صلوا على خير البشر نسل عدنان

شعر/ضاوي العصيمي[/color][/font][/size][/color]

معلومات أضافية · 25 Jan 2009, 11:36 AM

صح لسان الشاعر ليزر الهيلا

والشيوخ العقايله يستاهلون

المدح

و شكرا لك ياراكان

معلومات أضافية · 27 Jan 2009, 12:48 AM

لاهنت يامشرفنا
وعتبي عليك بالتاخر فقط على فسح المجال لمشاركتي
لاتعوودها

معلومات أضافية · 27 Jan 2009, 10:23 PM

راكان سلمت اناملك

وصح السان ليزر الهيلا

والشاعر ضاوي وافي مع الجميع
والعقايله اهلٍ للمدح

معلومات أضافية · 31 Jan 2009, 11:09 AM

اقتباس:

المشاركة الأصلية كتبت بواسطة سامي منصور

راكان سلمت اناملك

وصح السان ليزر الهيلا

والشاعر ضاوي وافي مع الجميع
والعقايله اهلٍ للمدح

لا هنت ياسامي ..
كان بودي اشوف ردود محللي قصائد ليزر الهيلاء سابقاً هنا ,, حتى يتحفونا بتحليلهم المعتاد!!

معلومات أضافية · 07 Feb 2009, 10:05 AM

اقتباس:

المشاركة الأصلية كتبت بواسطة سامي منصور

راكان سلمت اناملك

وصح السان ليزر الهيلا

والشاعر ضاوي وافي مع الجميع
والعقايله اهلٍ للمدح

لاهنت يالغالي
بس والله كان بودي اشوف تحليل للمحلين اللى كانوا يحللون قصائد ضاوي السابقه!!
ياترى ليه ما بينوا ولا صار لهم حس !!!

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خـــبــر عاجـــل.. مخيم الشيخ ذعار بن ناصر العقيلي	علم نجد	مـنتـدى العـــــــلوات..	18	14 Jan 2009 06:20 PM
قصيدة سعود العصيمي في الشيخ ذعار	خطاب	منتدى فرسان وشعراء العصمة	3	10 Aug 2008 09:18 AM
قصيدة الشيخ محمد بن عمر جهجاه ابن حميد يرثي فيها خاله الامير عمر اباالعلا	المملوح	مـنتـدى العـــــــلوات..	7	26 Aug 2007 12:55 PM
@ الشيخ تركي بن حميد @	الفصيح	سبائك الشـعر..والتراث	2	28 Nov 2005 11:36 AM
مرثيه للشيخ شالح بن هدلان في الشيخ محمد بن هندي بن حميد ...!	الفصيح	سبائك الشـعر..والتراث	0	24 Sep 2005 08:43 AM

الذين يشاهدون محتوى الموضوع الآن : 1 ( الأعضاء 0 والزوار 1)