قصيدة قالها شاعرنا الكبير /فارس بن مقبل العصيمي بمناسبة زيارة شيوخنا العلوات
للشيخ / عايض بن عريج بن شرفان العصيمي
.
عيدرمضان وعيد الأضحى فالسنة واليوم عيد=أنا أشهد إن الله جمـع فيـه السعـادة كلّهـا
يوم ٍ جمع شمل القبيلة من قريب ومن بعيـد=ياطيب ندوات الرجال اللي تجي فـي حلّهـا
أهل القلوب البيض يجري دمهاجوف الوريد=وأهل القلوب السود من حرّه تمـوت بغلّهـا
يوم إجتمعناعندأبوصالح عسى عمـره مديـد=شيخٍ يشيل ليا أرتكـى دق الحمـول وجلّهـا
من ذخرأبوي ومحزمي وأنا بهاالماقف سعيد=والكلمةاللي ماتشرّف لابتي مـا أنـزل لهـا
أجيب مكنون الدرروأنظـم بـه العقدالفريـد=وأدوّرالبكـر الغفـال الـنـادرة وأحتلّـهـا
يامرحبا ترحيبةٍ تضفي على الكـون وتزيـد=من عطر نسرين المشاعر والقلـوب وفلّهـا
تمشي على وضح النقاء ويقودها العقل الرشيد=ومقنّدة من كيـف راسٍ فالصـدور يزلّهـا
لشيوخ شمل آلاد عاصم منبع المجـد التليـد=اللـي براهيـن البطولـة والفخـر بسجلّهـا
أخوان جوزاء نصرةالمضيوم وكعام العنيـد=الشجرة اللـي ساعـة الشـدة يظلـل ظلهـا
أهل الشداد اللي يورّث من عقيد إلـى عقيـد=وأهل السيوف اللي بساحات القتـال تسلّهـا
وأهل الكفوف اللي تمد ولايمـدون الزهيـد=وأهل العقول اللي عظيمات الأمـور تحلّهـا
الشيخة اللي سيست بالسيف والـراي السديـد=لوشد ضلـع طويـق مقفـي ماتغيّـر دلّهـا
شهودها العطفة على واد الرشـا وأبوعبيـ=دوالجادل اللي غب يوم الكون عافـت خلّهـا
والبارحة جاني وأثـر الخبـر علـمٍ وكيـد=ولاينقض الحجة ياكود اللي يبي يفتـل لهـا
دوك الرسالة وأوصل المكتوب ياساع البريد=ليا وصلت اللي على بالي وبالـك قـل لهـا
كثر التمادي فالخطـأ مايقبلـه غيـر البليـد=الأولـة قلنـا فـدى والثانيـة تفطـن لّهـا
حنا ليا من الجمـال بمشيهـا قامـت تحيـد=نسوقها باللي علـى درب الصـلاح يدلّهـا
نضرب على الكايد بخشم النارويلين الحديـ=دونشبها واللـي عقـد روس الحبـال يحلّهـا
عاداتنا من سالـف الأيـام ماجبنـا جديـد=ليا بغينا ناصل نجـوم السمـا ناصـل لهـا
الإهداءات
المواضيع المتشابهه 
قصيدة الشاعر/ فارس بن مقبل العصيمي عند الشرافين 
العرض العادي
