سلامآ نبتديبه من هجوس أفكـارآ وساعـي= مثل ريح الخزامـى والنفـل حـزة مرابعهـا
تماثيلآ حقيقية لهـا فـي الصـدق مرباعـي= على مدح الهنيدي بن عمر تنظـم ونبدعهـا
هلا يا طيب المنسب هلا يـا طيـب الناعـي= هلا عد النجوم اللـي تمركـز فـي مطالعهـا
عدد ماغرد القمري على الأغصان ونزاعـي =على خضر الغصون اللي يهليبـك تمربعهـا
وعدد مايرزم الرعاد معه البـرق شعشاعـي= مقاديم المزون اللـي بشيـر الخيـر يتبعهـا
ليا دلـت بربانـا حقـوق وسيـل القاعـي= يعيش أبه الهشيم وينبت الديـره ويزرعهـا
تعاقـب طلـع نـواره وكنـه زرع زراعـي= ولا أجمل من نبات الأرض يوم الرب زارعها
وشوف أخوان جوزاء غايتي صيفي ومرباعي= معـزه صادقـة مانـي بشاريهـا وبايعـهـا
هل العطفه من جلوي ليـا سلطـان وتباعـي =تـردون الحقـوق لمسلـم جاكـم مضيعهـا
وتحيزم بربعيـن بـواردي فـزاع للداعـي= بعد صاح النذير وقـال قـوم النـار ولعهـا
ولا يذخر من خلو لنـا الصعبـات تنصاعـي= مطوعة الصعب لين الصعب عـود يطاوعهـا
عريب الأصل والمنشأ كريم وافـي الباعـي= وبيبـان الكـرم ماصكهـا دايـم مشرعهـا
كما هداج تيماء راهيآ فـي كـل الأوضاعـي= ولو شح الزمن ماشحـت الجمـه لنازعهـا
سوات العيلم اللي ماتغيـض ولا لهـا قاعـي= عليها الصـادر الـوارد ماينقـص منابعهـا
كريم ومستقيم ويسعـف المحتـاج ويراعـي= من رجال رفعهـا شأنهـا سبـة تواضعهـا
وصلى الله على الهادي عددماهب ذعذاعـي= نبـي لمتـه هـو خيـر هاديـه وشافعـهـا
الإهداءات
هل العطفه
العرض العادي
