هذه قصيدة للشاعر غازي بن ردن العصيمي
وهو شاعر غني عني التعريف
ويقول غازي:
قامت تداحم في الضماير من جنوب ومن شمال
بنات فكرٍ دونها البيبان فـي صـدري تحـول
يوم الضماير مثل ماقالـوا صناديـق الرجـال
صدرت مرسومي لحارسها يفك الهـا القفـول
وقت اللوازم مابقي فيها على الصبر احتمـال
زادت فخرها يوم تفخر بالزحازيـح الزحـول
مقدم هل العادات في الوقفات وافين الخصـال
كسابة النوماس بين النـاس ماضيـن الفعـول
حرابة الزلـه مـن اولهـم كريميـن السبـال
دون القبيله لاعتزو شالـو ثقيـلات الحمـول
ضلعٍ يزبن من يحـده سيـف مظلمـة الليـال
بالجاه اله منجاه في شتّا الطرايـق والسبـول
يبشر بعزه من نصى الشيخان سمحين القبـال
يومن ٍ بعض الناس بقباله ماتلقـى لـك قبـول
لاكثرت عقود الحبـال وبـاه حـلال الحبـال
حلوا عقدها مايكـود الحـل زاكيـن العقـول
وان كبرت الدعوى وجتهم تقصر علوم ٍ طوال
يطفون ساعر نارها والشـر مثنـي ومعقـول
اخوان جوزا مروية حد الصقيل من السـلال
من وقت سلطان وجزاء لوفان مافيهـم ميـول
روس القبيله وأومراها عزها في كـل حـال
عن ربعهم يثنون في الشده ويرفـون الخلـول
وحنا بجمعتنا سوا مثل الطويـل مـن الجبـال
من يعتلي في قمته راسه علـى نـده يطـول
واللي يجي في قاعته يلقى عن الشمس الضلال
راسي ولاقد قيل في الضلعان شالتها السيـول
لو كل وادي يلتطم بمـلاه مـن ماجـاه سـال
يسيل مع دربه حدور من الوعور اليا السهول
الاد عاصم عزوتي ربعي ليـا طـال الجـدال
تاريخنا ماينجهـل مايجهلـه غيـر الجهـول
سقنا جملنا في القبايل بين مضرسـة الجمـال
يوم اليال السـود بالبـارود ضدينـا العيـول
ونسد دون اللي يغيب ان جاء لغايبنـا سـؤال
وناطح كبار العرب ونشوق لبـاس الحجـول
الطايله ورث ٍ لنا من جـد واعمـام وخـوال
نسوقهـا ونقودهـا بخطامهـا قـود الذلـول
تخضع لهيبتنا خجل وتقـول لاطرفنـا تعـال
وتلبس يديه رقبتها عقـد مـاس وعقـد لـول
والله لو يغزي لهـا هتلـر بجيـش الأحتـلال
انه فـلا يحتلهـا وابليـس مخـزى ومغلـول
هذا وانا شاعر مع الشعـار لاجالـي مجـال
اثبت على قولي واثبّـت بالدلايـل كـل قـول
وهنا رابط الشيله
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
17 May 2009, 05:20 PM
جديد غازي العصيمي
المواضيع المتشابهه
العرض العادي
